Sigurd og Ådnes musikklabyrint er klar for nytt år og nye rundar på Bokhandelen! Publikum gav gode tilbakemeldingar på både vanskegrad og underhaldningsverdi etter pilot-runden i november, så radarparet Brørs og Evjen kjører på i same spor. Det blir spørsmål om ikkje altfor ukjente songar og artistar – eksempelvis var a-ha, Oasis, Gitarkameratene og Taylor Swift representert i fjor. Og quizmeistrane spritar også denne gongen opp med live musikkinnslag.

Bokhandelen har plass til tolv lag, og kvart lag kan bestå av opptil fire personar.

Meld på laget ditt ved å sende e-post til laila@gamlebokhandelen.no eller skrive ei melding til Bokhandelen på Facebook. I fjor vart kapasiteten fylt opp, så ver gjerne ute i god tid. Siste frist er kvelden før.

Påmeldingsavgift på 50 kr per deltakar kan betalast i baren på konkurransedagen.

Dei tre beste laga blir premiert!