Laurdag 13. desember får Bokhandelen besøk av visesongar Trine Harbak, som det siste året har teke eit markant steg inn på den nordiske visescena.
Med debutalbumet «Da æ va av skog», som vart gjeve ut 24. oktober i år, har ho vorte lyfta fram som ein av årets sterkaste albumdebutantar.
Ho har allereie delt scene med mellom anna Stefan Sundström, Alexander Pettersen og Skjalg Raaen – og Sundström sjølv seier dette: «Så bra och cool, och som en kvinnlig Leonard Cohen. Skitbra!»
Musikken hennar balanserer mellom det jordnære og det poetiske og skaper ei intim forteljing om augneblinken, lengslane og forventningane i livet.
