Bilde: Hilde Honerud

Låtskrivaranes låtskrivar Martin Hagfors er utan tvil ein av landets finaste og mest produktive låtskrivarar, med ein katalog som består av hundrevis av songar i ulike sjangrar.

Han har i årevis samarbeidd med mange av våre største artistar og musikarar, og han skriv stadig nye songar med misunningsverdig teft og nerve. Martin har også i fleire samanhengar raust overlate songane sine til arrangørar og produsentar som har fått fritt spelerom til å arrangera og presentera musikken hans på nye måtar.

I tillegg til solokarrieren er han kjend som låtskrivar og musikar i mellom anna HGH (Hagfors-Gebhardt-Hickstars), Home Groan og Meg og kammeraten min, og han er kreditert som låtskrivar på plater med Ellen Andrea Wang, The National Bank, Big Bang, Ida Jenshus, Hellbillies, Motorpsycho, Pål Angelskår, Rock Bottom, Bobby Bare, Respatexans, Askil Holm, Øystein Greni, Elisabeth Andressen, Benedicte Brænden, Sugarfoot og Helldorado.